Qanday ma’lumot saqlanadi
- Hisob: ismingiz, emailingiz va parolning bcrypt xeshi (parolning o‘zi saqlanmaydi). Google orqali kirsangiz — Google hisobingizning identifikatori.
- Fayllar: yuklagan video, rasm va musiqangiz, tayyor eksportlar, AI diktor yozuvlari — studiya serverining diskida.
- Loyihalar: ssenariy, montaj sozlamalari, nutqdan olingan matn.
- Jurnal: muhim amallar (kirish, render, parol tiklash) vaqt bilan. IP manzil jurnalga yozilmaydi; urinishlarni cheklash uchun faqat server xotirasida qisqa vaqt turadi.
Nima uchinchi tomonga yuboriladi
- Nutqni matnga aylantirish serverning o‘zida bajariladi — ovoz yozuvingiz hech qayerga yuborilmaydi.
- Google Gemini (agar administrator ulagan bo‘lsa): ssenariy uchun har bir loyihadan 12 tagacha kichik kadr, videoning o‘lchovlari, nutqdan olingan matn va siz yozgan matn; AI diktor uchun diktor matni; AI rasm yoki video uchun yozgan tavsifingiz (va tahrirlanadigan rasm). Google bu ma’lumotlarni o‘z shartlari asosida qayta ishlaydi.
- Groq (agar administrator ulagan bo‘lsa): Gemini javob bermaganda ssenariy uchun videoning o‘lchovlari, nutqdan olingan matn va siz yozgan matn (kadrlar yuborilmaydi); “Sahnalarga ajratish” da yozgan g‘oyangiz.
- Kling AI va Higgsfield (agar administrator ulagan va siz klip buyurtma qilgan bo‘lsangiz): klip tavsifi va tanlagan boshlang‘ich rasmingiz. Ular bu ma’lumotlarni o‘z shartlari asosida qayta ishlaydi; tayyor klip studiya serveriga yuklab olinadi.
- Email: parolni tiklash xati sozlangan SMTP xizmati orqali yuboriladi.
- Google orqali kirish: kirish paytida Google bilan standart OAuth almashuvi bo‘ladi.
Cookie
Faqat bitta zarur cookie: kirganingizni bildiruvchi sessiya (httpOnly, 7 kun). Reklama yoki kuzatuv cookie’lari yo‘q.
Ma’lumotni o‘chirish
Loyihani o‘chirsangiz, uning fayllari va eksportlari ham o‘chiriladi. Hisobni butunlay o‘chirish hozircha administrator orqali bajariladi.
Xavfsizlik
Har bir foydalanuvchi faqat o‘z loyihalari va fayllarini ko‘radi. Parol o‘zgarsa yoki tiklansa, barcha qurilmalardagi eski sessiyalar bekor bo‘ladi. API kalitlari faqat serverda saqlanadi.